sصادقk, [29.01.21 16:23]
[Forwarded from سیمای دیزج خلیل (sصادقk)]
گرکوی یاران آمدی ، محمل بدار ای ساربان
منزل به منزل، کو -به کو، پیمانه زن با عاشقان
باشددیارش جاودان، خاکش چو لعل و گوهر است
(سائل) چوگوید شمّه ای ، هرگز نگنجد در بیان
گل سنه بیر ئیردن گوستریم نیشان
میشوو اتگینده ،پارلایار هر آن
قرینه لر بؤیی آدی- سانی وار
آدی دیزه خللی ، توپراقی مرجان
غیرتلی کیشی لر، اؤتوز اوچ شهید
قلم- دفتر بیتر، هامیسین یازسان
حاسانلی قالاسی، هوجا قاسیمی
یازی چوللری ، آلتی شند آباد- وایقان
یئتدی محلله دیر ، هامیسی آباد
یئتدی مناردن سسلنر اذان
هامیسی مسلمان ، علی شیعه سی
حسین یولی گئدن ، تابع قرآن
شاه قجر یایلاق ائتمیش بوکندی
ایاق اؤسته قالیر حله بو مکان
مرندی، خورشیدی، احمد گلشن
یوزدن آشار آدلار، ائیلسم بیان
علمین دادین بیلیب ، ایللر بویوندا
اؤورنجی اؤلوبدور قوجا هم جوان
دیزه خلی آدی گلنده دیله
سائل اؤز جانینی ائیلییر قوربان.

احمد علی نوجهانی( سائل)

sصادقk, [29.01.21 16:24]
[Forwarded from سیمای دیزج خلیل (sصادقk)]
آنا لای لایی
باشا چاتدی آیلار ایللر عمیردن
کؤنلومه دوشیبدی آنا لای لاسی
بیرده یوخلییایدیم، ایستی قؤینوندا
کؤنلومه دوشیبدی آنا لای لاسی

هرسؤزون بَزَگی آنا آدی-دی
یدیگیم چورگین دوزی دادی- دی
کدرلی کؤنلومون مرهم، یادی-دی
کؤنلومه دوشیبدی آنا لای لاسی

سوروندی آردیمجا کؤرپه چاغلاریم
دییردی بالامدی باغچا باغلاریم
بؤی آتیب ، اؤلاجاق ، اوجا داغلاریم
کؤنلومه دوشیبدی آنا لای لاسی

اؤدلارا آلیشدی ، منی آتمادی
هئچ بیرزمان ، دیله گینه چاتمادی
لای لا چالدی منه ، اؤزی یاتمادی
کؤنلومه دوشیبدی آنا لای لاسی

بالانی ، گؤزونن اوزاق قؤیمادی
دؤیوردی بالانی ، اوزی دؤیمادی
بالا شیرین یاتدی ، اؤزی اویمادی
کؤنلومه دوشیبدی آنا لای لاسی

بیر عؤمیر بیتمدی اورک یاراسی
آنایدی ، گؤزمین آغی- قاراسی
بیرگون ، حکیم دئدی، یوخدور چاراسی
کؤنلومه دوشیبدی آنا لای لاسی

آغارمیش ساچلارین قوربانی آنا
بوتون اؤرکلرین ، سولطانی آنا
سائلین دردینین درمانی آنا
کؤنلونه دوشیبدی آنا لای لاسی
سائل

sصادقk, [31.01.21 02:20]
پوزولموش گولوستان

مین اوچ یوز ایرمی دؤرت ایرمی بئش ایلینده
میصری قلینج علم آختاران بئلینده
درس اؤخونوب بوردا تورکی دیلینده
قؤجا آذربایجان یادیما دوشدی

بو یئرین آدینی جنت قؤیدولار
علم اؤخویانلارا میننت قؤیدولار
خیئر ایشلره یاخچی سننت قؤیدولار
مینو آدینی قویان یادیما دوشدی

بویئرین شاگردی اوستاد اؤلوبدی
شاگردی اوستادا اوستاد اؤلوبدی
جهلین ائوی اورادا برباد اؤلوبدی
اونودولان پیمان یادیما دوشدی

ای کاش بوردا بیر دفعه ده داریشاخ
گئچمیش گؤنلرینن یئنه باریشاخ
لولفر تکین دووارینا ساریشاخ
مدائن ده ایوان یادیما دوشدی

اؤ زامان دان کندلر خرابه اؤلدی
کدی لر کوچدیلر شهرلر دولدی
همان گوندن کندلرین رنگی سولدی
جانی جان دان آلان یادیما دوشدی

ای کاش دونوب بیرده اوشاق اولیدیم
بولوت تکین بوشاللیدیم دولیدیم
سنده گول آچیئدیم سنده سولیدیم
درس اوخویان زمان یادیما دوشدی

داها بولبول رین دولانمیر باغا
گئدیب جیران لارین گلنمیر داغا
باخیرام سؤلوما ، هم ده کی ساغا
گولی سولان باغبان یادیما دوشدی

بیززامان واریدی شاءن وشهرتون
حرمتون واریدی قولدا قدرتون
گئدیبدور قاموری داها شوکتون
تخت دوشن سلطان یادیما دوشدی

sصادقk, [31.01.21 02:49]
پوزولموش گولیستان

گؤتوردوم قلمی یازام سؤزومی
عللمه البیان یادیما دوشدی
یازی یازام آیری دوشن ائل لره
گؤزلریمی آچان یادیما دوشدی

هر اینسانین قدری، آنناغیندادی
سؤزلر، سؤز بیلنین دوداغیندادی
محبت سولاری گؤز بولاغیندادی
وطنه آغلییان یادیما دوشدی

یولوم دوشدی بیرزمان بیر مکانا
اینسان لیغون نورون ساچان هریانا
داغیلیبدی ایندی اؤلوب ویرانا
پوزولموش گولوستان یادیما دوشدی

قاپیدان گیرنده گؤزوم اؤلدی قان
گؤردوم باخچاسینی باسیبدیر تیکان
بیرطرف چالیدی بیر طرف قالقان
برؤووت بیابان یادیما دوشدی

یخیلیری دامی گلیری یئره
سینیخ سالخیخ اؤلوب قاپی پنجره
اؤرگ ایستیر باخا بو حالی گؤره
خسته یاتان بی جان یادیما دوشدی

واریدی سنین اوچون اؤرگی یانان
دردی درمان ائدن دردلری قانان
،،خورشیدی،،گلشن،، تک بیرآیری جانان
خیئر ایشه ال قاتان یادیما دوشدی

سولماسین هیچ باغین باخچانین گؤلی
قالماسین گؤلوندن آیری بولبولی
چیچک آچسین بنوشه سی سونبولی
باهار فصلی خزان یادیما دوشدی

اورک اگر سینا ساخلاماز قاشی
جان بدن دن چیخسا ساخلاماز باشی
آز قالیر یازیلسون قبرینون داشی
جانا حسرت قالان یادیما دوشدی

کاش اولیدی قئیدیدیم ازه له
دؤیونجا باخیدیم سن تک گؤه زله
ایاقا دور گینه منه ناز ائله
یارا عشوه ساتان یادیما دوشدی.

سائلین اؤرگی یاندی آلیشدی
اورک قانی گوز یاشینا قاریشدی
یئنه گلدی متکبیله باریشدی
بیرده اسکی دوران یادیما دوشدی